क्रांतीज्योती, स्त्री शिक्षणाच्या आद्य प्रणेत्या सावित्रीबाई फुले यांची आज जयंती. नव्या सालातला नवा सण. अर्थात सावित्री उत्सव. बऱ्याच दिवसांपासून माझे काही शिक्षक, मित्र-मैत्रिणी, हितचिंतक मला एक सल्ला वारंवार देत होते. तो सल्ला मी यावर्षीचा संकल्प म्हणून आजपासून त्याच्या पूर्ततेसाठी प्रयत्न करतेय. तो म्हणजे ब्लॉग लिहिण्याचा. अर्थात मला स्वतःला देखील प्रेरणा मिळाल्याने मी हा निर्णय घेतला आहे. 'स.जग' या नावाने मी हा ब्लॉग आजपासून सुरु करत आहे. जे जे मनात येईल, जे काही समाजोपयोगी असेल ते आपल्यासमोर मांडत जाईन, आपण त्याचं स्वागत कराल अशी आशा व्यक्त करते. ज्या सावित्रीमुळे मी हे लिहू शकले, शिक्षण घेऊ शकले त्यांच्या जयंतीचे औचित्य साधून मी हे पाऊल उचलण्याचं धाडस केलं आहे.
आजच्या दिवशी मला विद्रोही शाहीर शीतल साठे यांच्या एका गाण्यातील ओळी आठवतात :
"ज्याेत लावलीस साऊ, वणवा मी ही पेटवीन,
तू जे शिल्प कोरलेस, ते मी बोलके करीन..."
तू जे शिल्प कोरलेस, ते मी बोलके करीन..."
No comments:
Post a Comment